Një në katër hakerë, është FBI!

Zyrtarisht FBI nuk komenton metodat e saja, por një zëdhënës ka thënë se agjentët përcjellin ligjet dhe parimet e vendosura nga Shtetet e Bashkuara të Amerikës dhe zbatojnë ligjet për shfrytëzimin e informuesve, duke shtuar se secili rast dallon prej tjetrit. /pcworldalbanian
 

Nëse jeni të shqetësuar rreth mundësisë së sulmeve të hakerëve ndaj kompjuterit tuaj, atëherë lexoni këtë gjë interesante që ndoshta do t’ju lehtësojë paksa kureshtjen tuaj: 25% prej tyre punojnë për FBI.
Gazeta “The Guardian” ka zbuluar në një hetim se një në katër hakerë është një informues për FBI, kurse shumë prej tyre janë anëtarë në forume ku shiten informata ilegale të marra gjatë këtyre aksioneve.
Sikurse në filma, informantët rekrutohen me oferta për periudha kohore të reduktuara të qëndrimit në burg dhe mundësisë për përfitim financiar.

Facebook paraqiti një program që u ofron përdoruesve një nxitje financiare për t’i shikuar reklamat në këtë rrjet.

Facebook paraqiti një program që u ofron përdoruesve një nxitje financiare për t’i shikuar reklamat në këtë rrjet.
Facebook tani do të paguajë përdoruesit që shikojnë reklama të caktuara në faqe me Facebook Credits, e cila gjë mund të ndihmojë të mirat në Facebook Deals. Nxitja, sidoqoftë, nuk është e madhe. Fillimisht, një reklamë mesatare do të prodhojë një kredit, i cili është i barabartë me 10 centë.
Reklamat do të jenë kryesisht në lojëra. CrowdStar, Digital Chocolate dhe Zynga janë në mesin e pjesëmarrësve për lojëra. Facebook është duke punuar me Sharethrough, SocialVibe, Epic Media dhe SupersonicAds për të shërbyer reklama në program dhe TrialPay, që do të ofrojë statistika.
Dan Greenberg, CEO i Sharethrough, thotë që nisma e ndërmarrjes Facebook përfaqëson “një hap larg nga ndërprerja e reklamimit”. Greenberg, që ka klientë si Microsoft dhe NEstle, thotë që rrjeti i vet nuk do të dërgojë reklama tradicionale, por më argëtuese, të cilat do të zgjojnë kërshërinë e përdoruesve që jo vetëm të shikohen, por edhe të shkëmbehen me shokët e tjerë./pcworldalbanian

 

Obama takohet me autoritetet e rrjetit Facebook

Kryetari i Shteteve të Bashkuara të Amerikës, Barack Obama, bisedoi për ekonominë, teknologjinë, nismat dhe më shumë gjatë një takim me autoritetet e ndërmarrjes Facebook.
Pyetja e parë e Zuckerberg për kryetarin Obama ishte e përqendruar në ekonominë dhe se si Shtetet e Bashkuara do t’i pëmirësojnë gjërat, gjatë largimit të deficitit. Ai tregoi që kjo do të mund të bëhej duke i rikthyer taksat për individët e shëndosh dhe shkëputja e buxhetit, për të reduktuar deficitin.“Ne kemi një problem afatgjatë me Mediacare dhe Medicaid,” tha Obama, duke treguar që “20% e pacientëve llogarisin për 80% të çmimit” të shumicës së spitaleve.
Gjatë tërë kohës, kryetari Obama adresoi pyetje nga publiku, gjersa vinin pyetje të grumbulluara përgjatë uebit. Gjatë kësaj kohe të pyetjeve, Obama adresoi krizën shtëpiake, kërkimin për energji të pastër, politikat për imigrim, Mediacare dhe ndryshimin në edukim.
Shumë pyetje erdhën nga punëtorët në Facebook. Njëri e pyeti kryetarin Obama për një përqindje të buxhetit të propozuar nga përfaqësuesi Paul Ryan. Punëtori e pyeti Obaman nëse plani i tij për buxhet ishte mjaft i spikatur. “Buxheti Republikan është kryesisht radikal,” u përgjigj Obama. “Unë nuk do ta quaja veçanërisht të guximshëm,” shtoi ai para se të vazhdonte për të kritikuar zbatueshmërinë e planit të Ryan-it.
U bë një pyetje tjetër e përqendruar se si qeveria do të ngadalësonte rritjen e çmimit të përkujdesjes shëndetësore. Obama u përgjigj duke thënë që qeveria do të ofrojë nxitje për të investuar në teknologjinë e re të IT-së që do të reduktonte çmimet.
Krejt në fund të kësaj ngjarje, Zuckerberg, i cili ishte duke veshur një kostum me pallto dhe kishte kravatë, ai e paraqiti Obaman të veshur me një uniformë që ai është familjar me të: një lloj të kapelës që është karakteristike për Facebook./pcworldalbanian
 

Tirana, qendër takimi për bizneset shqiptare të industrisë së IT-së

Tirana gjatë ditës së sotme po shënon një aktivitet tjetër të radhës e të rëndësishëm për zhvillimin e mëtutjeshëm të industrisë së teknologjisë informative dhe të komunikimit në Shqipëri, duke organizuar ngjarjen “Dita mbarëkombëtare e Teknologjisë së Informacionit dhe Komunikimit” në ambientet e Sky Tower, në Tiranë.
Prej orës 18:30 deri në ora 22:00, të datës së sotme (30 qershor), kompani anëtare të Shoqatës për Teknologji të Informimit dhe Komunikimit të Kosovës (STIKK) si dhe të Shoqatës Shqiptare të Teknologjisë së Informacionit AITA, do të kenë rastin të marrin pjesë në kuadër të ngjarjes së veçantë e cila synon të përafrojë edhe më shumë komunitetin e teknologjisë së informacionit në tregun e Kosovës dhe Shqipërisë.
Zyrtarë të shoqatës AITA që kanë organizuar ngjarjen në bashkëpunim me STIKK, kanë theksuar se një ngjarje e këtillë ka rëndësi të veçantë për zhvillimin e mëtutjeshëm të tregjeve, dhe në mes tjerash ndihmon edhe më shumë në forcimin e marrëdhënieve mes kompanive të dy shteteve, e gjithsesi në forcimin e vet sektorit të IT-së. /pcworldalbanian

 

BlackBerry Messenger jo për platformat tjera

Deri më sot, ka pasur shumë thashetheme se RIM do të lëshojë shërbimin e saj - BlackBerry Messenger, edhe për platformat tjera, që përfshijnë iOS të Apple, si dhe Android të Google.
Tani, sipas një raporti të ri thuhet se drejtori i ri i RIM nuk ka asnjë plan që të licensojë BBM për platformat tjera, ose pajisjet tjera jashtë atyre të kompanisë.
BlackBerry Messenger është shërbimi më i famshëm i pajsijeve BlackBerry, dhe tani thuhet se për tu qasur në këtë shërbim, RIM do të krijojë një buton special në çdo model të ri telefonit ose tabletit. / Telegrafi / 

 

Pandora thyen rekordin e të hyrave dhe përdoruesve

Shumica e njerëzve e preferojnë Pandora’n si shërbimin e saj muzikor për telefonat e mençur mobil.
Të paktën këtë e thotë vetë Pandora, e cila ka deklaruar një rritje në 71.5 për qind të pjesëmarrjes së tregut në SHBA.
Gjithashtu, Pandora ka deklaruar se numri i përdoruesve të këtij shërbimi në SHBA ka arritur në 150 milionë.

Megjithatë, kjo nuk është e tëra, pasi që Pandora gjithashtu është aplikacioni i dytë më i famshëm në Apple iOS, sepse të gjithë duket se e shkarkojnë këtë aplikacion tani. 

Vetëm gjatë vitit 2012-2013, Pandora ka shtuar rreth 51.9 milionë përdorues aktiv, dhe kjo paraqet një rritje prej 53 për qind krahasuar me një vit më herët, e cila biznesit i ka sjell 80.8 milionë dollarë, 70.5 prej të cilave kanë ardhur nga reklamimi. / Telegrafi / 

Facebook Camera, aplikacion vetëm për iOS

Të gjithë e dimë se së fundmi, Facebook ka blerë shërbimin e fotografive, përkatësisht rrjetin e famshëm social – Instagram, në një marrëveshje e cila i ka kushtuar rreth 1 miliard dollarë.
Tani, Facebook ka lëshuar aplikacionin e saj të fotografive për sistemin operativ iOS, të cilin e ka quajtur Facebook Camera.
Edhe përkundër këtij lansimi, Facebook e ka ëbrë të qartë se Facebook Camera dhe Instagram janë dy gjëra të ndryshme me specifika jo të ngjashme, ndërsa ky aplikacion është i dizajnuar të punojë sikurse aplikacioni tjetër Facebook Messages.
Me sa duket, ekipi i Instagram nuk ka punuar fare në aplikacionin Facebook Camera, pasi Facebook ka njoftuar se për një kohë të gjatë është duke punuar në këtë aplikacion, të cilin tani e ka lansuar vetëm për Apple iOS. / Telegrafi / 

RIM vonohet me BlackBerry 10, humb 192 milionë dollarë

Sistemi operativ i Research In Motion ishte planifikuar të lansohej në fund të këtij viti, mirëpo RIM tani ka njoftuar se do ta shtyjë prezantimin e BlackBerry 10 deri në vitin e ardhshëm.
Për më shumë, RIM gjithashtu ka prezantuar edhe rezultatet e saj financiare me një humbje prej 192 milionë dollarë për tremujorin e fundit, ndërsa ka njoftuar se do të shkurtojë më shumë se 5000 vende pune, pasi që edhe BlackBerry 10 do të dalë më vonë.
“Ne nuk do të ngutemi ta lansojmë BlackBerry 10 para se të jemi gati” ka thënë Thorsten Heins, President dhe drejtor ekzekutiv i kompanisë.
Sipas të gjitha gjasave, RIM është duke synuar që të mos bëjë më gabime në treg, prandaj edhe nuk po ngutet të paraqes në treg versionin e ri të sistemit operativ. / Telegrafi /

"Google" i akuzuar për spiunim

Kompania "Google" ilegalisht e ka ndjekur aktivitetin e dy milion personave të cilët e shfrytëzojnë internete navigatorin e saj "Safari".

Kompania "Google" ilegalisht e ka ndjekur aktivitetin e dy milion personave të cilët e shfrytëzojnë internete navigatorin e saj "Safari", njoftoi gazeta amerikane "Wall Street Journal".

"Google" këtë mund ta realizonte përmes kodit programor special instaluar nga komandat e "Safari".

Gazeta, megjithatë, përmend se navigatori është bërë ashtu që munden të bllokohen ato lloje  ndjekjeve.

"Google", i cili me siguri menjëherë e ka ndërprerë ndjekjen kur e kanë kontaktuar nga gazeta, i ka hedhur poshtë akuzat, se e rrezikon privatësinë e Internet shfrytëzueseve, duke përmendur për gazetën se ato "kuki" (cookies) nuk mbajnë të dhëna personale, derisa "Apple" kumtoi se punojnë në ndërprerjen e këtyre veprimeve.

Ndjekjen e zbuloi hulumtuesi nga universitetit "Stenford" Xhontan Mejer, pohimin e të cilit e konfirmoi edhe një  inxhinier tjetër Ashikan Soltan, kur "Wall Street Journal" e ftoi ta publikojë edhe ekspertizën e dytë.

Hakerat sulm ndaj grekëve: Shqipëria etnike është afër

Hakerat shqiptarë kanë sulmuar faqjen zyrtare e kryetarit të partisë “Grekët e pavarur”, Panos Kammenos.

Në sfond janë vendosur këngë patriotike shqiptare, ndërsa në pjesën e poshtme të faqes kryesore shkruhet: “Sepse ne nuk harrojmë kurrë”.

“Greqia është thjesht një vend tjetër racist, të cilët mundohen të largojnë shqiptarët nga vendi që dikur ka qenë i tyre, mirëpo ju i morët trojet tona me dhunë, duke ju ndihmuar edhe aleatet e juaj. Serbët përdoren terrorin dhe “reformën agrare” që parashikonte marrjen e tokave shpronësimin e shqipetarëve dhe dhenien e tyre jugosllaveve !. Në tokat shqiptare u vendosën kolonët serbë! Me anë të kësaj Beogradi synonte të prishte strukturën etnike të këtyre trojeve shqipetare. Me prishjen e strukturës etnike ata mund të thoshin se këto ishin toka serbe. Mirepo ja që edhe Nikola Gruevski po përdor të njëjtën politikë shoviniste me shqiptarët në Maqedoni! Duke fyer simbolet, duke na gjuajtur, duke na rrahur, duke na fyer fenë. Ju thjesht po zgjoni vullkanin në zemrat e Shqiptarëve. Shqipëria etnike është afër”.- shkruhet në faqen e hakeruar të politikanit grek Panos Kammenos.