Një në katër hakerë, është FBI!

Zyrtarisht FBI nuk komenton metodat e saja, por një zëdhënës ka thënë se agjentët përcjellin ligjet dhe parimet e vendosura nga Shtetet e Bashkuara të Amerikës dhe zbatojnë ligjet për shfrytëzimin e informuesve, duke shtuar se secili rast dallon prej tjetrit. /pcworldalbanian
 

Nëse jeni të shqetësuar rreth mundësisë së sulmeve të hakerëve ndaj kompjuterit tuaj, atëherë lexoni këtë gjë interesante që ndoshta do t’ju lehtësojë paksa kureshtjen tuaj: 25% prej tyre punojnë për FBI.
Gazeta “The Guardian” ka zbuluar në një hetim se një në katër hakerë është një informues për FBI, kurse shumë prej tyre janë anëtarë në forume ku shiten informata ilegale të marra gjatë këtyre aksioneve.
Sikurse në filma, informantët rekrutohen me oferta për periudha kohore të reduktuara të qëndrimit në burg dhe mundësisë për përfitim financiar.

A mund të blejnë kriminelët online gjësende pa pagesë?

Një grup hulumtuesish të sigurisë kanë thënë se kanë gjetur mënyra të caktuara përmes të cilave mund të mashtrojnë sistemet e blerjes online për të porositur gjëra pa pagesë apo me zbritje.
Hulumtuesit pranë Universitetit Indiana dhe Microsoft Research kanë gjetur vrima të sigurisë në një pako zhvilluese softuerike të pagesave që shfrytëzohet nga Amazon.
Rui Wan, një Ph.D student pranë Universitetit Indiana ka thënë për CNET në një intervistë se Amazon ka përmirësuar problemet pasi është paralajmëruar nga hulumtuesit, dhe vrimat e integrimit që janë gjetur në aplikacionet ku është karroca blerëse virtuale dhe në faqet shitëse ku është implementuar ky sistem, gjithashtu janë arnuar.


Sipas studimit të krijuar nga Rui, Profesori i Asociuar i Universitetit Indiana XiaoFeng Wang dhe të disa të tjerëve, softueri që është ekzaminuar ka përmbajtur “lëshime logjike që mund të shfrytëzohen për të shkaktuar mospërputhje mes gjendjes së CaaS (Cashier-as-a-Service) dhe tregtarit” dhe kështu i ka mundësuar dikujt përfitim në sistem.
Dokumenti i titulluar “Si të blini pa para online” pritet të prezantohet në Simpoziumin e Sigurisë dhe Privatësisë IEE në muajin maj.


Thjeshtë thënë, situata shfaqet më konkretisht në rastin kur blerësi është në gjendje të ofroj mesazhe konfuze tek tregtari dhe tek arkëtari apo sistemi i pagesave.
“Paramendoni se keni të bëni me një fëmijë të lazdruar, dhe e vetmja formë e komunikimit mes fëmijës, nënës dhe babait bëhet përmes thirrjeve telefonike një-me-një” shkroi Rui në një e-mail për CNET.
“Fëmija mund të tregojë tregime paksa më ndryshe për nënën dhe pë babain, dhe më pas mund të përfitojë një miratim që nuk e meriton.
Çdo gjë varet nëse nëna dhe babai janë mjaft të mençur dhe të kujdesshëm sa duhet”. 


Në veçanti, shfrytëzimi i sistemeve shumëpalëshe në këso raste mund të mundësojë që blerësi të merr gjësende tjera pasi të jetë bërë pagesa, duke përdorur vërtetimin e një pagese të mëhershme për një gjësend të ri, të paguaj vet për të apo të përfitojë një vërtetim të vlefshëm të pagesës duke mashtruar tregtarin, duke nënshkruar vet një vërtetim të pagesës, apo duke shtuar gjëra tjera në karrocë gjersa arka është duke përpunuar pagesën. 


“Ne kemi zbuluar një lëshim të vërtetë ku tregtari bindet se porosia është paguar dhe atë plotësisht përmes Amazon, gjersa pagesa në fakt është bërë në vet llogarinë shitëse të blerësit në Amazon” thuhet në studimin e bërë.


Hulumtuesit kanë arritur të blejnë një vazhdues të rrymës, një njësi për testim të niveleve të alkoolit në gjak, dhe një revistë duke shfrytëzuar këtë lëshim.
Ata madje kanë përcaktuar vet çmimin e një DVD-je, duke paguar 5$ nën çmimin gjegjës, dhe kanë paguar më pak për një krem të shtrenjtë të bodybuilding.
“Çdo gjë në dyqan mund të regjistrohej me çmimin e gjësendit më të lirë” tha RUi.

Hulumtuesit janë konsultuar me një avokat dhe kanë bërë testimet në një formë të përgjegjshme, duke informuar kompanitë e përfshira dhe në shumë raste duke kthyer prapa gjësendet e blera. 


Një zëdhënës i Amazon në anën tjetër nuk ka pasur se çfarë të thotë veçse ka shtuar se ka dërguar një e-mail tek Rui dhe e ka njoftuar se problemi është rregulluar, dhe se është publikuar një pako e re zhvillimi softuerik, në të cilën është përmendur edhe puna e hulumtuesve për të arnuar problemin. / pcworldalbanian

 

Pandora thyen rekordin e të hyrave dhe përdoruesve

Shumica e njerëzve e preferojnë Pandora’n si shërbimin e saj muzikor për telefonat e mençur mobil.
Të paktën këtë e thotë vetë Pandora, e cila ka deklaruar një rritje në 71.5 për qind të pjesëmarrjes së tregut në SHBA.
Gjithashtu, Pandora ka deklaruar se numri i përdoruesve të këtij shërbimi në SHBA ka arritur në 150 milionë.

Megjithatë, kjo nuk është e tëra, pasi që Pandora gjithashtu është aplikacioni i dytë më i famshëm në Apple iOS, sepse të gjithë duket se e shkarkojnë këtë aplikacion tani. 

Vetëm gjatë vitit 2012-2013, Pandora ka shtuar rreth 51.9 milionë përdorues aktiv, dhe kjo paraqet një rritje prej 53 për qind krahasuar me një vit më herët, e cila biznesit i ka sjell 80.8 milionë dollarë, 70.5 prej të cilave kanë ardhur nga reklamimi. / Telegrafi / 

Kujdes gjatë përdorimit të kondicionerit

Ekspozimi me orë të zgjatura ndaj kondicionerit dhe diferenca mes temperaturës brenda dhe jashtë, i bën shumë dëm shëndetit. Duheni ta keni në mendje se si me përdorimin e pajisjes së klimës duheni të veproni në mënyrë të kujdesshme, ndërsa temperaturën e dëshirueshme duheni ta rregulloni në përputhje me kushtet në mjedis. Temperatura ideale e hapësirës së brendshme në parim është 7-8 ºC më e ulët se temperatura e jashtme. Konkretisht, nëse temperatura e jashtme është 34 gradë, pajisjen e klimës caktojeni të ftohë në temperaturën 26-27 gradë. Këtë dallim të temperaturës, organizmi njerëzor e përballon mirë. Në të kundërtën, nëse e teproni me temperaturën e hapësirës së brendshme, është i mundshëm shoku i temperaturës gjatë daljes nga hapësira e brendshme në të jashtmen. Te njerëzit me probleme shëndetësore, duhet të bëhet kujdes i veçantë gjatë rregullimit të temperaturës në hapësirën e brendshme. (ar.ku/BalkanWeb)

 

Përparimet teknologjike dhe zbatimi i tyre në mjekësi

Përparimet teknologjiko-shkencore dhe zbatimi i tyre në mjeksi po sjell mrekulli. Që nga mekanika bio-inxhinierike e deri tek novacionet e fundit të përdorimit të realitetit virtual për mjekimin e pacientëve, mundësitë janë të pafundme. I përdorur më parë në formën e lojërave elektronike për stërvitjen e ushtarëve, tani përparimi në Realitetin Virtual po ofron lehtësira në kurimin e pacientëve me djegie. Materiali në vazhdim na çon në Siatell të shtetit të Uashingtonit për të na njohur me një projekt të realitetit virtual që ofron lehtësimin e dhimbjeve për një pacient me djegie të rënda trupore.

18 vjeçari Xhordan Robinson ka dhimbje të forta.  Së bashku me shokët e tij menduan se do ishte ide e mirë loja për të qëlluar me shigjeta të zjarrta qese të mbushura me benzinë  në oborrin e shtëpisë së tij. Siç po e përjeton edhe vetë Xhordani, ideja ishte tejet keqe. Ai gjendet në spital dhe po mjekohet për djegie të renda në të dy këmbët. 

“Kam përjetuar thyerje kockash dhe shumë gjera të tjera por asnjëherë nuk kam ndjerë dhimbje të tilla. Dhimbje të vazhdueshme dhe tejet intensive, dhimbje serioze.”  

Mjekimi i diegieve është ndër procedurat më me dhimbje. Pacientëve zakonisht u jepen doza të larta qetësuesish si morfina që ndihmon në përballimin e dhimbjeve.  Por morfina ka shumë efekte negative. Nuk lehtëson të gjitha dhimbjet dhe zakonisht zgjat qëndrimin në spital sepse pacientët bëhen të varur nga droga dhe kanë nevojë për më shumë kohë për ta marrë veten.  Xhordan po mjekohet me morfinë por në të njëjtën kohë edhe me një paisje të re.

Ndërkohë që i bëjnë terapi fizike, që normalisht shkakton dhimbje, mendja e tij është tejet larg, e pushtuar në një peisazh dëbore, një realitet virtual i kompjuterizuar.  Gjatë terapisë fizike, Xhordan udhëton në një botë të dëbortë përgjatë një kanioni të akullt, ku luan duke u gjuajtur me topa bore me pinguinët dhe njerëzit prej dëbore.  20 minuta më pas .....Xhordan buzëqesh!  



“Ndihmon shumë. Nuk e prisja që të ishte kaq e efektshme. Nuk kam bërë ndonjëherë ndonjë gjë të tillë dhe nuk e prisja të kishte kaq ndikim.”   

Hunter Hoffman është drejtor i Qendrës Kërkimore për Realitetin Virtual në universitetin e Uashingtonit dhe krijues i lojës elektronike “Snow World”, botës së dëbortë.

“Realiteti virtual u jep pacientëve një vend ku të humbasin veten. Është tendencë e natyrshme, që kur ke dhimbje kërkon të largohesh nga ai mjedis apo nga shkaktari i dhimbjeve. Kur i mjekojmë pacientët, megjithëse me trup i duam aty, duam që me mendje t’i dërgojmë në një botë të mbuluar me dëborë. Si rezultat pacientëve u krijohet iluzioni se janë në botën e krijuar nga kompiuteri dhe mendja nuk është aq e angazhuar për të perceptuar sinjalet e dhimbjes.”

Profesori David Paterson, njëkohësisht shefi i psikologjisë në spitalin Harbor View në qytetin Siatell të shtetit të Uashingtonit, ka punuar prej vitesh me Hunter Hofman në projektin e Realitetit Virtual.  Ai shpjegon se përdorimi i Realitetit Virtual për lehtësimin e dhimbjeve nga djegiet realizohet në dy mënyra. Njëra është përmes largimit të vëmendjes dhe tjetra ka të bëjë me hipnotizimin e pacientit dhe pastaj duke përdorur hipnozën gjatë kujdesit shëndetësor.

“Po mundohemi të ndërthurim të dy mënyrat për të parë nëse mund të përmirësojnë efektet e tyre.”  

Shpërqëndrimi i vëmendjes është provuar se lehtëson afro 30 deri 50 përqind dhimbjet gjatë mjekimit të plagëve nga djegiet. Hapi i radhës në këtë fushë është kombinimi i të dy teknikave me shpresën se mund të kenë rezultate edhe më të mira për pacientin por edhe duke mundësuar reduktimin e dozave të ilaçeve për dhimbjet.

Tek koka  e krevatit të Xhordan qëndron mamaja, Kejt Robinson.

“Kur po e sillnim në spital e përkedhelja dhe i thoja se sa shumë e doja. Por sapo të shërohet do t’ia tregoj qefin.”

Ndërkohë që Xhordan duket se do të humbasë semestrin e parë në universiet, ai pritet që të shërohet plotësisht. Përsa i përket së ardhmes së teknologjisë së realitetit virtual në mjekësi, Hofman thotë se mundësitë janë të pafundme.

Pse kanë rëndësi këto pesë sisteme operative mobile?

Telefonat mobil kanë bërë një rrugë të gjatë nga forma e tullës gjigante, e cila ishte paraqitur në fillim dhe e cila ende quhej telefon. Tani këto mrekullitë e teknologjisë mund të ju japin udhëzime, ju lejojnë të porositni një pica, luani lojëra dhe të shikoni filma në të njëjtën kohë. Të gjitha këto tipare të mëdha janë për shkak të risive të mëdha të cilat fshihen pas sistemeve operative që i fuqizojnë këto pajisje mobile. Në një det të telefonave mobil, pesë sistemet operative janë duke luftuar për vëmendjen tonë.
1. BlackBerry - Një nga telefonat e parë mobil që kishin sistem të fuqishëm operativ vjen nga kompania RIM, e cila prodhon telefonat e mençur BlackBerry. Kur BlackBerry i parë e goditi tregun e telefonave mobil, ai i dedikohej përdoruesve të biznesit. BlackBerry i lidhur me email’at korporativ e bëri të lehtë për bizneset të qëndrojnë të lidhur në një botë e cila po bëhej gjithnjë e më dinamike. BlackBerry tani është duke kërkuar për të fituar konsumatorët. Kompania mund të ketë humbur vendin e parë, por ata nuk janë duke shkuar më poshtë, pa luftë. Më i dukshëm në këtë luftë është tableti PlayBook, të cilin kompania RIM e ka prezantuar së fundmi.

2. WebOS - Palm ishte dikur majën e pajisjeve që ndryshe njiheshin edhe si menaxherë të informacionit personal. Telefoni i saj i mençur - PalmPre është duke sfiduar tregun e telefonave mobil gjithnjë e më shumë. E rëndësishme është se zhvilluesit dhe programerët ende e duan këtë sistem operativ. Kjo është kryesisht për shkak të faktit, se sa e lehtë është për të zhvilluar një aplikacion të vogël për pajisjet e serisë PalmPre. Megjithëse Palm është tani pjesë e HP-së, WebOS vazhdon të rritet dhe të zgjerohet. HP tani është duke kërkuar për të lëvizur më tej. WebOS ka lëvizur nga tregu i telefonave të mençur mobil në atë të kompjuterëve tablet me lansimin e menjëhershëm të HP Slate.
3. Windows Phone 7- Microsoft asnjëherë nuk ka qenë me të vërtetë një lojtar i madh në tregun e telefonave mobil. Sigurisht, ata edhe më parë kanë pasur sisteme operative, por ata gjithmonë kanë qenë pas liderëve të tregut si Palm apo RIM. Tani, Microsoft ka një sistem të ri operativ që ndryshon lojën e këtij gjiganti të programeve kompjuterike. Windows Phone 7 është mbi të gjitha lidhje. Ky sistem operativ lidhet me dyqanin virtual Zune, i cili ka të hapur një zgjedhje të madhe të muzikës. Dyqani virtual gjithashtu lidhet edhe me Xbox Live, duke i dhënë kështu përdoruesit qasje në lojëra dhe rrjetin e lojërave XBL. Ky është një projekt ambicioz nga Microsoft dhe beteja do të jetë e vështirë për këtë kompani.

4. Android - Android është një sistem operativ i zhvilluar nga Google. Kur Android për të parën herë doli në treg, i njëjti u prit me një dozë të madhe të refuzimi dhe nuk u pëlqye nga njerëzit. Mirëpo, Google nuk u dorëzua dhe bëri presion, dhe tani ne kemi një sistem operativ që është duke e marrë botën shumë shpejtë. Sot, Android mbështet një numër të madh të telefonave të mençur mobil, pa përjashtuar edhe një numër në rritje të kompjuterëve tablet. Android është një platformë e hapur, e cila i jep kompanive dhe zhvilluesve të aplikacioneve lirinë për ta përshtatur këtë sistem operativ, siç ju konvenon atyre.

5. iOS - Apple një herë pati thënë se ata kurrë nuk do të hyjnë në tregun e telefonave mobil. Megjithatë, ja ku jemi, dhe ata kanë krijuar një telefon dhe një sistem operativ që ka krijuar një bazë të madhe të adhuruesve. iOS sot është risi të cilën edhe individët por edhe korporatat botërore e kanë përqafuar. Pengesë e madhe për këtë sistem operativ është fakti se ai është i bllokuar në një telefon të vetëm mobil. Spekulohet se kjo do të ndryshojë shpejt, dhe konsumatorët kudo me padurim presin telefonat që bazohen në iOS, të cilët mund t’i blejnë në çdo dyqan që ata e kanë afër. /Telegrafi/

Shfletim më i rehatshëm me Firefox 3

Firefox 3, pas një pritjeje bukur të gjatë, kohë më parë është përfunduar dhe është lëshuar për shpërndarje. Pos dukjes së rifreskuar, në të mund të gjenden edhe shumë opsione të reja të cilat e bëjnë shfletimin e internetit më të rehatshëm.
Do t’i përmendim pesë risi të cilat sigurisht do t’ju hynë në punë shfrytëzuesve dhe vizitorëve të kohëpaskohshëm të faqeve të internetit si dhe shfletuesve të rryer të internetit.

1. Opsioni për zoom

Me shtypjen e thjeshtë të butonit Ctrl dhe shtypjen e njëkohshme në + apo – zmadhohet ose zvogëlohet pamja e faqes së uebit. Në Firefoxin e ri nuk do të zvogëlohet respektivisht zmadhohet vetëm teksti, por e tërë faqja, së bashku me fotografitë dhe përmbajtjet tjera. Shkronjat tepër të vogla, apo tepër të mëdha, më nuk do të duhet të janë një problem.

2. Shtimi në bookmarks me një klik

Firefox 3 në shirit me adresën e uebit shfaqë një yll, duke shtypur në të faqja e cila aktualisht është e hapur regjistrohet në bookmarks, në direktorinë 'Unsorted Bookmarks'. Ylli mund të jetë edhe verdhë edhe e bardhë, e kur të jetë e verdhë, atëherë nënkupton se faqja veçmë është e regjistruar.

3. Kërkimi i shkarkimeve (downloads)

Nëse shpesh shkarkoni materiale, e më pas gjendeni pak më vështirësi me shkarkimet tuaja, Firefox 3 do të mbajë mend të gjitha dosjet e shkarkuara dhe vendndodhjen e tyre në disk. Për t’u gjendur më lehtë, këtu është integruar edhe opsioni për kërkimin e shkarkimeve.

4. Vërtetimi i sigurisë

Me klikimin në ikonën në shiritin për paraqitjen e adresës shfrytëzuesi mund të marrë informata mbi sigurinë e faqes së internetit në të cilën gjendeni. Më shumë informata mund të gjenden duke klikuar në tastin 'More information'.

5. Etiketat (tags) për bookmarks
Koleksioni i bookmarks të secili shfrytëzues rritet nga dita në ditë dhe pa pastrim të rregullt, të gjendesh në mesin e tyre di të jetë bukur situatë e palakmueshme. Me shtimin e etiketave (tags) - çdoherë kur bëni bookmark u mundëson kërkimin me ndihmën e etiketave, që mund të jetë shumë më thjesht. Gjithashtu, tani e tutje në shiritin e adresës mund të shkruani vetëm etiketën dhe në përzgjidhje do të fitoni të gjitha faqet e mbajtura mend sipas asaj etikete./Telegrafi/

Ndihmës tek riinstalimi i kompjuterit

Riinstalimi i sistemit operativ është një punë e mundimshme dhe që merr kohë, sepse përveç që duhet të instaloni të gjitha programet, është edhe ajo pjesa e mërzitshme e instalimit të driver-ave. Megjithatë, nëse planifikoni të gjitha mirë, mund të kurseni shumë kohë.
Ky tekst u dedikohet përdoruesve të sistemeve më të vjetra operative (Windows XP e 2000), prandaj njihuni me asistentin tuaj gjatë riinstalimeve, programin DriverGrabber.

Edhe pse DriverGrabber që një kohë të gjatë në versionin eksperimental (e ndoshta edhe kurrë nuk do të dal në versionin e vet përfundimtar), e dallon e dhëna që mund të tërheq driver-at nga pajisjet e instaluara harduerike dhe t’i ruaj ata në direktori (folder) prej ku edhe vetvetiu starton.

Nuk keni nevojë ta instaloni, derisa vet veprimi nuk ofron absolutisht kurrfarë mundësive të konfigurimit.

Më saktësisht, pas nisjes së aplikacionit çdo gjë është e automatizuar, prandaj në fund të punës programi vetvetiu ndalet dhe në hartën në të cilën gjendeni do të ju pret një direktori e re me emrin Drivers, në të cilën gjenden të nxjerrë të gjithë driver-at nga kompjuteri.

Që të keni së paku ndonjë mbikëqyrje për kompletimin e punës, mund të shikoni në dosjen DriverGrabber.txt ku edhe gjendet raporti për krejt atë çfarë është bërë.

DriverGrabber punon me procesorët x86 i x64, kështu që mund të ruaj driver-at në sistemet operative 32 e 64. Të përsërisim se programi është jashtëzakonisht i thjeshtë për përdorim dhe përveç kërkesës së shtuar në procesor nuk do të hetoni asnjë shenjë tjetër të punës së programit. Si rezultat përfundimtar do të gjeni një grup direktorish për secilin driver, e në to do të gjenden dosje të ndryshme .dll e .sys.

Karakteristikat

Programi: DriverGrabber

Çmimi: Falas

Madhësia: 1 MB