BlackBerry Messenger jo për platformat tjera

Deri më sot, ka pasur shumë thashetheme se RIM do të lëshojë shërbimin e saj - BlackBerry Messenger, edhe për platformat tjera, që përfshijnë iOS të Apple, si dhe Android të Google.
Tani, sipas një raporti të ri thuhet se drejtori i ri i RIM nuk ka asnjë plan që të licensojë BBM për platformat tjera, ose pajisjet tjera jashtë atyre të kompanisë.
BlackBerry Messenger është shërbimi më i famshëm i pajsijeve BlackBerry, dhe tani thuhet se për tu qasur në këtë shërbim, RIM do të krijojë një buton special në çdo model të ri telefonit ose tabletit. / Telegrafi / 

 

Facebook Camera, aplikacion vetëm për iOS

Të gjithë e dimë se së fundmi, Facebook ka blerë shërbimin e fotografive, përkatësisht rrjetin e famshëm social – Instagram, në një marrëveshje e cila i ka kushtuar rreth 1 miliard dollarë.
Tani, Facebook ka lëshuar aplikacionin e saj të fotografive për sistemin operativ iOS, të cilin e ka quajtur Facebook Camera.
Edhe përkundër këtij lansimi, Facebook e ka ëbrë të qartë se Facebook Camera dhe Instagram janë dy gjëra të ndryshme me specifika jo të ngjashme, ndërsa ky aplikacion është i dizajnuar të punojë sikurse aplikacioni tjetër Facebook Messages.
Me sa duket, ekipi i Instagram nuk ka punuar fare në aplikacionin Facebook Camera, pasi Facebook ka njoftuar se për një kohë të gjatë është duke punuar në këtë aplikacion, të cilin tani e ka lansuar vetëm për Apple iOS. / Telegrafi / 

RIM vonohet me BlackBerry 10, humb 192 milionë dollarë

Sistemi operativ i Research In Motion ishte planifikuar të lansohej në fund të këtij viti, mirëpo RIM tani ka njoftuar se do ta shtyjë prezantimin e BlackBerry 10 deri në vitin e ardhshëm.
Për më shumë, RIM gjithashtu ka prezantuar edhe rezultatet e saj financiare me një humbje prej 192 milionë dollarë për tremujorin e fundit, ndërsa ka njoftuar se do të shkurtojë më shumë se 5000 vende pune, pasi që edhe BlackBerry 10 do të dalë më vonë.
“Ne nuk do të ngutemi ta lansojmë BlackBerry 10 para se të jemi gati” ka thënë Thorsten Heins, President dhe drejtor ekzekutiv i kompanisë.
Sipas të gjitha gjasave, RIM është duke synuar që të mos bëjë më gabime në treg, prandaj edhe nuk po ngutet të paraqes në treg versionin e ri të sistemit operativ. / Telegrafi /

Microsoft blen Yammer

Marrëveshja e shumë përfolur mes Microsoft dhe Yammer tani ka përfunduar, pasi që Microsoft edhe zyrtarisht ka njoftuar për blerjen e shërbimit për një shumë që arrin shifrën prej 1.2 miliardë dollare dhe i cili tani do të inkorporohet në divizionin e Microsoft Office, të udhëhequr nga Kurt Del Bene, ndërsa ekipi do t’i raportojë edhe më tutje drejtorit të kompanisë, David Sacks.



E themeluar në vitin 2008, Yammer ofron një shërbim të ngjashëm si Facebook për bizneset, ndërsa baza e saj e konsumatorëve tani ka arritur në 5 milionë, 85 për qind e të cilave janë pjesë e Fortune 500.

Produkti i saj bazë është falas, ndërsa kompania krijon profit nga versionet më të avancuara të shërbimit të saj, duke përfshirë kontrollin më të madh administrativ dhe të sigurisë, integrimi me aplikacione biznesi, shërbim primar për klientët e saj si dhe një “success manager” të dedikuar vetëm për klientët që paguajnë.

“Blerja e Yammer është vazhdimësi e përkushtimit tonë për të ofruar teknologjinë që bizneset e kërkojnë dhe e duan” ka thënë Steve Ballmer, drejtori ekzekutiv i Microsoft.


(ar.si/BalkanWeb)

iPhone 5 po i mahnit të gjithë !

Thashethemet për iPhone 5 kanë më shumë se një vit që po qarkullojnë. Kemi parë disa paraqitje të fotografive si do të duket, dizajnerat kanë bërë konceptime të ndryshme, kurse një ekip nga Apple  “arriti” ta humbë një iphone 5 në San Francisko. Megjithatë, askush nuk e di se si do të jetë ky telefon, çfarë hardueri do të ketë dhe as kur do e prezantojë Apple.

Në internet, kohë më parë, u paraqit një video, të cilën e publikoi 17 vjeçari Dakota Adney, ku u prezantua koncepti i iPhone-it të ri me ekran transparent, përkatësisht të tejdukshëm dhe me tastierë virtuale, e cila mund të shfaqet në sipërfaqet e jashtme.

Edhe pse është e sigurt se Apple nuk do të prezentojë një iPhone të tillë, ky video-regjistrim i entuziazmoi shumë njerëz në internet. Duke marrë parasysh përparimin e teknologjisë, prodhuesit e telefonave celularë mund të prezentojnë telefona me këtë lloj ekrani. Video-regjistrimi është bërë si një reklamë e Apple, në të cilën shfaqet përdorimi i aplikacioneve si: Twitter, Siri dhe Instagram në ekran të tejdukshëm, kurse vet telefoni është shumë i hollë.

Për ata që nuk dëshirojnë të punojnë në tastierë të vogël në telefon, Adney gjeti zgjidhje në tastierën e jashtme virtuale, të cilën iPhone e projektoi në sipërfaqen e jashtme dhe që ka dimensione sa një tastierë tipike për kompjuter.

Në përshkrimin e tij, në videon Adney për iPhone-in e “vet”, thuhet se është “i pabesueshëm”, vjen me procesor A5 me katër bërthama dhe sjell më shumë fuqi. Ekrani iClear Retina shfaq grafikë të mprehtë dhe fotografi të mahnitshme, derisa sistemi operativ iOS 6 e dërgon përvojën e iPhone-it në një drejtim plotësisht të ri.

Ky është koncepti më i mirë deri më tani i iPhone-it të ri dhe duke marrë parasysh idenë e shkëlqyer të videos, Tim Cook mund ta punësojë 17-vjeçarin. Çfarë mendoni ju rreth këtij koncepti? A do ta kishit blerë një iPhone të tillë?

SHBA: IBM superkompjuteri më i shpejtë në botë !

 

Në SHBA kompania IBM Sequoia, ka marrë vendin e parë në listën e superkompjuterave më të shpejtë në botë.  Kjo duke lënë pas kompaninë Fujitsu të Japonisë, e cila zbriti në vendin e dytë. Sequoia është e instaluar në Departamentin amerikan të Laboratorit të Energjisë Kombëtare në Kaliforni. Kjo është hera e parë që SHBA, mund të pretendojnë pozitën më të lartë, pasi ajo ishte konkuruar nga Kina dy vite më parë. Sequoia,  do të përdoren për të kryer stimulime për të ndihmuar jetëgjatësinë. Sipas administratorit Thomas D’Agostino, “Sequoia është më i shpejti, ka aftësitë themelore të informatikës, si dhe na jep rritjen e besimit në pengesën bërthamore të vendit”. Sequoia gjithashtu paraqet një performancë të lartë në udhëheqjen e vazhdueshme amerikane në informatikë. Modeli Sequoia është 1.55 herë më i shpejtë se modeli Fujitsu ku në të janë përdorur mbi 1.5 milionë procesorë.
Kompjuteri është i aftë të llogarisë në një orë atë që i duhen  6.7 miliardë njerëzve, duke përdorur makina llogaritëse për një periudhë kohore 320 vjet, për të përfunduar në qoftë se ata kanë punuar non-stop.(Medialajm.al )

Teknologjia e re e Windows-it, rivale me iPad-in

Zbulohet në Los Angelos një prej strategjive më të suksesshme në botën e biznesit, gjatë tre dekadave të fundit. Microsofti ka shpikur një kompjuter të teknologjisë së lartë,  tabletën e re   të Windows-it në dizajnin të vecantë. Shefi ekzekutiv i kompanisë, Steve Ballmer, theksoi se kompjuterat me prekje do të mundësohen nga sistemi i ardhshëm i  Windows-8. Këto do të përmbajnë  zgjedhje të një procesori Intel. Kjo është një mënyrë e fortë  për të sfiduar iPad Apple.
Specialistët shprehen se sipërfaqet e tabletave kanë ekran më të mëdha se sa iPad-i, por janë më të rënda dhe me cilësi më të lartë. Ekspertët e teknologjisë japin reagimin e tyre për tabletat e Microsoft-it, që i kanë mirëpritur me interes të lartë. (Nga E.K / MediaLajm.al)

Pse kanë rëndësi këto pesë sisteme operative mobile?

Telefonat mobil kanë bërë një rrugë të gjatë nga forma e tullës gjigante, e cila ishte paraqitur në fillim dhe e cila ende quhej telefon. Tani këto mrekullitë e teknologjisë mund të ju japin udhëzime, ju lejojnë të porositni një pica, luani lojëra dhe të shikoni filma në të njëjtën kohë. Të gjitha këto tipare të mëdha janë për shkak të risive të mëdha të cilat fshihen pas sistemeve operative që i fuqizojnë këto pajisje mobile. Në një det të telefonave mobil, pesë sistemet operative janë duke luftuar për vëmendjen tonë.
1. BlackBerry - Një nga telefonat e parë mobil që kishin sistem të fuqishëm operativ vjen nga kompania RIM, e cila prodhon telefonat e mençur BlackBerry. Kur BlackBerry i parë e goditi tregun e telefonave mobil, ai i dedikohej përdoruesve të biznesit. BlackBerry i lidhur me email’at korporativ e bëri të lehtë për bizneset të qëndrojnë të lidhur në një botë e cila po bëhej gjithnjë e më dinamike. BlackBerry tani është duke kërkuar për të fituar konsumatorët. Kompania mund të ketë humbur vendin e parë, por ata nuk janë duke shkuar më poshtë, pa luftë. Më i dukshëm në këtë luftë është tableti PlayBook, të cilin kompania RIM e ka prezantuar së fundmi.

2. WebOS - Palm ishte dikur majën e pajisjeve që ndryshe njiheshin edhe si menaxherë të informacionit personal. Telefoni i saj i mençur - PalmPre është duke sfiduar tregun e telefonave mobil gjithnjë e më shumë. E rëndësishme është se zhvilluesit dhe programerët ende e duan këtë sistem operativ. Kjo është kryesisht për shkak të faktit, se sa e lehtë është për të zhvilluar një aplikacion të vogël për pajisjet e serisë PalmPre. Megjithëse Palm është tani pjesë e HP-së, WebOS vazhdon të rritet dhe të zgjerohet. HP tani është duke kërkuar për të lëvizur më tej. WebOS ka lëvizur nga tregu i telefonave të mençur mobil në atë të kompjuterëve tablet me lansimin e menjëhershëm të HP Slate.
3. Windows Phone 7- Microsoft asnjëherë nuk ka qenë me të vërtetë një lojtar i madh në tregun e telefonave mobil. Sigurisht, ata edhe më parë kanë pasur sisteme operative, por ata gjithmonë kanë qenë pas liderëve të tregut si Palm apo RIM. Tani, Microsoft ka një sistem të ri operativ që ndryshon lojën e këtij gjiganti të programeve kompjuterike. Windows Phone 7 është mbi të gjitha lidhje. Ky sistem operativ lidhet me dyqanin virtual Zune, i cili ka të hapur një zgjedhje të madhe të muzikës. Dyqani virtual gjithashtu lidhet edhe me Xbox Live, duke i dhënë kështu përdoruesit qasje në lojëra dhe rrjetin e lojërave XBL. Ky është një projekt ambicioz nga Microsoft dhe beteja do të jetë e vështirë për këtë kompani.

4. Android - Android është një sistem operativ i zhvilluar nga Google. Kur Android për të parën herë doli në treg, i njëjti u prit me një dozë të madhe të refuzimi dhe nuk u pëlqye nga njerëzit. Mirëpo, Google nuk u dorëzua dhe bëri presion, dhe tani ne kemi një sistem operativ që është duke e marrë botën shumë shpejtë. Sot, Android mbështet një numër të madh të telefonave të mençur mobil, pa përjashtuar edhe një numër në rritje të kompjuterëve tablet. Android është një platformë e hapur, e cila i jep kompanive dhe zhvilluesve të aplikacioneve lirinë për ta përshtatur këtë sistem operativ, siç ju konvenon atyre.

5. iOS - Apple një herë pati thënë se ata kurrë nuk do të hyjnë në tregun e telefonave mobil. Megjithatë, ja ku jemi, dhe ata kanë krijuar një telefon dhe një sistem operativ që ka krijuar një bazë të madhe të adhuruesve. iOS sot është risi të cilën edhe individët por edhe korporatat botërore e kanë përqafuar. Pengesë e madhe për këtë sistem operativ është fakti se ai është i bllokuar në një telefon të vetëm mobil. Spekulohet se kjo do të ndryshojë shpejt, dhe konsumatorët kudo me padurim presin telefonat që bazohen në iOS, të cilët mund t’i blejnë në çdo dyqan që ata e kanë afër. /Telegrafi/

Microsoft njofton për edicionet e Windows 8

Gjigandi Microsoft ka njoftuar për edicionet e Windows 8. Janë gjithsej pesë edicione, bashkë me një edicion për një gjuhë lokale kineze. Edicionet janë: Windows 8, Windows 8 Pro, Windows RT, dhe Windows 8 Enterprise. Microsoft gjithashtu ka thënë se emri i verzioneve x86 dhe 64 do të jetë Windows 8.

Edicioni Windows 8 ofron të gjitha vetitë e rifreskuara, si ‘Windows Explorer’, ‘Task Manager’, si dhe shpejtëson ndryshimin e gjuhës.
Windows Pro është më shumë për entuziastët e teknologjisë dhe profesionistët e bizneseve. Ky edicion ofron të gjitha vetitë e Windows 8, plus virtualizim, lidhje domeini, menaxhim ‘PC’-je, si dhe siguri më të lartë.
Windows RT, ose Windows Run Time do të jetë vetëm për kompjuterat dhe tabletat e para-instaluar me procesorat ARM. Ky edicion përfshin verzionet e optimizuara për ‘TOUCH-SCREEN” për aplikacione si Word, Excel, OneNote, dhe PowerPoint.
Windows 8 Enterprise përfshin të gjitha vetitë e Windows 8 Pro, si dhe veti për organizata për ‘Information Technology’. (Tech.al)