Teknologjia e re e Windows-it, rivale me iPad-in

Zbulohet në Los Angelos një prej strategjive më të suksesshme në botën e biznesit, gjatë tre dekadave të fundit. Microsofti ka shpikur një kompjuter të teknologjisë së lartë,  tabletën e re   të Windows-it në dizajnin të vecantë. Shefi ekzekutiv i kompanisë, Steve Ballmer, theksoi se kompjuterat me prekje do të mundësohen nga sistemi i ardhshëm i  Windows-8. Këto do të përmbajnë  zgjedhje të një procesori Intel. Kjo është një mënyrë e fortë  për të sfiduar iPad Apple.
Specialistët shprehen se sipërfaqet e tabletave kanë ekran më të mëdha se sa iPad-i, por janë më të rënda dhe me cilësi më të lartë. Ekspertët e teknologjisë japin reagimin e tyre për tabletat e Microsoft-it, që i kanë mirëpritur me interes të lartë. (Nga E.K / MediaLajm.al)

Apple sjell MacBook Pro me Retina Display!

Bashkë me azhurnimin e modeleve të saj të laptopëve MacBook Pro me procesorët e fundit të Intel, Apple gjithashtu ka bërë publik edhe modelin e ri të MacBook Pro me ekranin me diagonale prej 15.4 inç.
Mirëpo, në modelin e ri të MacBook Pro karakteristika më e dallueshme është ekrani me xhamin Retina, e cila sjell rezolucion masiv prej 2880 x 1080 piksel, si dhe dizajnin e hollë i cili është i ngjashëm me atë të MacBook Air.
Gjenerata e tretë e MacBook Pro vjen me procesorin quad-core 2.7GHz core i7 Intel Ivy Bridge me Turbo Boost prej 3.7GHz që sjell edhe procesorin Core i5.
Karakteristika tjera të MacBook-ut të ri përfshijnë edhe 16GB RAM 1600MHz RAM, NVIDIA GeForce GT 650m, si dhe 768GB memorie, dhe baterinë që jeton deri në 7 orë.
Për më tepër, MacBook Pro përfshin edhe dy porte Thunderbolt, HDMI USB 2 dhe USB 3, plus Bluetooth 4.0, 802.11n WiFi, ndërsa çmimi i këtij modeli të ri të laptopit të Apple fillon prej 2199 dollarë. / Telegrafi /

Apple, 30 miliardë aplikacione të shkarkuara

Në konferencën e fundit të WWDC, Apple ka njoftuar për një arritje të re sa i përket aplikacioneve të saj mobile, të cilat tashmë numërojnë rreth 30 miliardë shkarkime nga iOS.
Ky numër është më i madh për 5 miliardë që nga muaji mars, kur Apple kishte thënë se ka arritur në 25 miliardë shkarkime të aplikacioneve nga platforma e saj mobile.
Apple gjithashtu ka thënë se iOS tashmë ka arritur në 650.000 aplikacione për shkarkim, 225.000 prej të cilave janë në dispozicion edhe për iPad.
Në anën tjetër, Apple publikoi edhe shumat e pagesave të cilat janë bërë për palët e treta, përkatësisht zhvilluesit e aplikacioneve, të cilët sipas Apple deri më sot janë paguar me 5 miliardë dollarë. / Telegrafi /

Apple prezanton iOS 6

 Dje kompania gjigande Apple ka prezantuar rifreskimin e software-it të saj iOS, i cili është tani në verzionin 6. Apple ka thënë se verzioni i ri ka plot 200 veti të rifreskuara ose të reja.

 

Mundësitë e Reja të Siri-t

• Siri tërheq rezultate sporti nga Yahoo.
• Sportet përfshijnë Futbollin, Futbollin Amerikan, Bejsbollin, Basketbollin, dhe shumë të tjera.
• Tani Siri është integruar me Yelp, një servis që mundëson menutë për restaurante, si dhe vlerësime.
• Siri u partnerizua me Rotten Tomatoes për të parë reklama të filmave të reja.
• Mund të pyesni Siri-n për ‘filma me Leonardo DiCaprio’, ose ‘filmat që po shfaqen në kinemanë x’.
• Siri tani mund të lansojë aplikacione. Thjesht thuaj ‘Play TempleRun (një lojë për iOS)’ (Duhet thënë në Anglisht).
• Siri do të mundësojë ‘cicërimin’ me anë të të folurit.

Siri për iPad

Siri tani është e gatshme edhe për iPad. Si në iPhone, ashtu edhe në iPad, vetëm mbani shtypur butonin ‘Home’.

Integrimi i Facebook

Facebook është  tashmë ‘pjekur’ në iOS. Mjafton të kyceni vetëm një herë në fillim. Tani mund të ndani me shokët tuaj foto, linqe, harta, linqe për iTunes, përmbajtje nga Game Center, dhe shumë të tjera.

Disa aplikacione të tjera që kanë pësuar një rifreskim janë aplikacioni i vetë thirrjeve, FaceTime, Safari, iCloud, ‘Photo Stream’, etj.(Tech.al)